Javën e ardhshme ngrirje e mundur e çmimeve të sheqerit, vezëve dhe orizit

Javën e ardhshme do të bëhen analiza dhe do të konfirmohet nëse do të ngrihen çmimet e sheqerit, vezëve dhe orizit, tha sot ministri i Ekonomisë, Kreshnik Bekteshi.

Siç tha Bekteshi në konferencën për shtyp në Qeveri, çmimet me siguri do të ngrihen nëse prodhuesit nuk i zvogëlojnë.

Sipas tij, analizat e Sektorit për tregti dhe të odave ekonomike kanë treguar se shumica e kompanive e shfrytëzojnë marzhin maksimal dhe në njëfarë mënyre janë të bashkuar që të mos i ulin fitimet e tyre.

"Në pajtim me të gjitha analizat e Sektorit për tregti dhe odat, konfirmohet se shumica e kompanive e shfrytëzojnë marzhin maksimal dhe në njëfarë mënyrë janë të bashkuar që të mos i ulin fitimet e tyre. Për këtë shkak kemi vendosur që të shkojmë me ngrirjen e çmimeve. Mbeten edhe sheqeri, vezët dhe orizi, për të cilat javën e ardhshme do të bëhen analiza dhe çmimet e të cilave me siguri do të ngrihen nëse prodhuesit nuk i ulin", sqaroi Bekteshi.