Detajet e smartfonit të ri Vivo X Flip

Detajet e smartfonit të ardhshëm Vivo X Flip, i cili do të fuqizohet nga një procesor Snapdragon 8 Plus Gen 1, janë zbuluar. Bëhet fjalë për "X-fold Plus" të ri, i cili sipas ekspertëve ka një nga kamerat më mbresëlënëse kur merret parasysh palosja horizontale.

Procesori do të çiftohet me 12 gigabajt RAM dhe 128 GB memorie të brendshme, dhe skicat tregojnë se do të ketë një ekran të jashtëm më të madh dhe dy kamera - 50 megapikselë ("Sony IMX-866") dhe një tjetër, ultra të gjerë 12 MP ( "Sony IMX-663"). Brenda pajisjes, sipas raportimeve, do të ketë një kamerë tjetër - e vendosur në mes të ekranit kryesor, por rezolucioni i saj aktualisht nuk dihet.

Sa i përket ekranit të brendshëm, ai do të jetë një panel 6.8 inç me rezolucion “FHD” dhe frekuenca 120 herc. Pajisja do të mundësohet nga një bateri 4400 megaamper-orëshe me një karikim 44 vat. Sensori i gjurmëve të gishtave do të vendoset në anë, dmth. ndoshta i integruar në butonin "Power".

Telefoni pritet të lansohet në Kinë muajin e ardhshëm, i ndjekur nga pjesa tjetër e botës.