Сергеј Клешченко поднесе денеска оставка од функцијата селектор на фудбалската репрезентација на Молдавија, три дена по поразот од 11-1 на гостувањето во Холандија во квалификациите за пласман на Светското првенство 2026.
Неговиот наследник, засега, не е познат.
Клешченко седеше на молдавската клупа од летото 2021 година.
Во тековните мундијалски квалификации, Молдавија е без бодови по пет натпревари и со гол-разлика од 3-25.