Apple го претстави сосема новиот iPhone Air, најтенкиот iPhone досега, кој нуди врвни перформанси. iPhone Air доаѓа со револуционерeн титаниумски дизајн – елегантен, лесен, но исклучително издржлив како и со иновативна внатрешна архитектура што овозможува најнови iPhone искуства.
Задната страна на iPhone Air е заштитена со Ceramic Shield, додека предната страна користи Ceramic Shield 2, кој нуди 3x подобра отпорност на гребнатини.
Телефонот има импресивен 6,5-инчен Super Retina XDR дисплеј со ProMotion до 120Hz. Со најголем број Apple-чипови досега во еден iPhone – A19 Pro, N1 и C1X – iPhone Air е најенергетски ефикасниот iPhone што некогаш е произведен. Благодарение на редизајнираната внатрешна архитектура и софтверските оптимизации истиот нуди батерија која трае цел ден.
Моќната 48MP Fusion главна камера овозможува квалитет како од четири различни леќи, додека иновативната 18MP Center Stage предна камера селфи фотографиите ги крева на повисоко ниво. iPhone Air ќе биде достапен во четири бои: space black, cloud white, light gold и sky blue.
-Новиот iPhone Air е толку моќен, а сепак неверојатно тенок и лесен, што мора да го држите во рака за да поверувате дека е вистински. Овој огромен скок во дизајнот и инженерството е можен само благодарение на Apple иновацијата, особено Apple silicon, рече Џон Тернус, потпретседател за хардверско инженерство во Apple.
Според компанијата iPhone Air нуди напредни функции што корисниците ќе ги обожаваат, професионални перформанси, мултифункционален 48MP Fusion систем на камери, иновативна Center Stage предна камера и батерија за цел ден, сето тоа сместено во револуционерен дизајн кој изгледа како уред од иднината.