Две лица загинаа, а десет, меѓу кои и четири деца, беа повредени во руски напади во Запорожје, југоисточна Украина, соопшти началникот на регионалната воена администрација, Иван Федоров.
Тој, исто така, објави на Телеграм дека во текот на изминатите 24 часа биле извршени 567 напади во 16 населени места во Запорожје. Во административниот центар на регионот, градот Запорожје, рано утрово биле оштетени девет згради, додаде тој.
Досега нема коментар од руска страна.
Запорожје е на фронтовската линија од самиот почеток на војната во Украина, која започна со целосна инвазија на Русија на соседната земја на 24 февруари 2022 година.
Двете страни во конфликтот негираат дека таргетирале цивили. Сепак, илјадници цивили се убиени од почетокот на војната, од кои огромното мнозинство се Украинци.
Украинските воздухопловни сили денеска соопштија дека собориле 36 од 45 дронови испратени од Русија во текот на ноќта