Селин Дион ги изненади присутните на овогодинешните Греми награди откако се појави како презентер на една од наградите.
Ѕвездата (55), која се повлече од сцената поради синдромот на вкочанета личност,
беше мошне емотивна кога се појави пред публиката со поддршка од најстариот син Рене-Чарлс Анџелил (23). Дион ја имаше честа да ја додели наградата за албум на годината.
-Ви благодарам на сите! Ве сакам! Изгледате прекрасно. Кога велам дека сум среќна што сум тука, го мислам тоа од срце, рече пејачката.
-Оние кои се доволно благословени да бидат тука на Греми наградите никогаш не смеат да ја земат здраво за готово огромната љубов и радост кои музиката ги носи во нашите животи и на луѓето ширум светот. Ми причинува голема радост што ја доделувам наградата Греми што ми ја доделија двете легенди Дијана Рос и Стинг пред 27 години. Ова се извонредните номинирани за албум на годината, истакна таа.
Победникот во оваа категорија беше Тејлор Сифт за албумот Midnights, која влезе во историјата како изведувач кој освоил Греми за најдобар албум четири пати.
