Проблеми во однесувањето на децата што не треба да се игнорираат

Постојат неколку проблеми во однесувањето на децата кои ако се појават, родителите не треба да ги игнорираат бидејќи може да се претворат во многу поголеми проблеми. Следат три примери.



Ако возрасниот забележи дека, детето често лаже или ги преувеличува нештата - има причина за грижа. Штом ќе потпорасне, детето треба да ги надмине детските невини „мали лаги“и да се стреми кон вистината. Ако не го научи ова, тоа ќе има проблеми во односот со наставниците и другите деца на училиште, на улица итн.

Вториот најчест проблем е кога детето слуша што му се зборува, но се преправа дека не слуша. Ситуацијата може да се комплицира кога детето ќе избере целосно да го игнорира родителот. Ако на пример знае дека постојано ќе биде потсетувано детето натаму губи мотив уште првиот пат да го ислуша возрасниот.

Ако не го направи тоа што го побарано од него / неа, објаснете му / ѝ дека ќе следи казна (се разбира, без удирање, викање и сл.). На крајот, детето треба да сфати дека тн. „селективно слушање“не води никаде.

Третиот проблем може да настане кога детето мисли дека она што има да го каже е „најважното на светот“. Тој / таа во тој случај не сфаќа дека другите луѓе можеби имаат потреби што се исто толку важни.

Повторно, ова однесување е прифатливо кога детето е мало, но ако тоа продолжи и кога ќе порасне, секогаш ќе мисли дека треба да биде пред другите. Затоа е важно да се воспостави некој вид на сигнал, благодарение на кој детето ќе знае кога треба да застане и да почека. Тоа може да е рака на рамото или сличен потег.