Сурферот Брајан Граб ја премина најдолгата подземна река во САД

Светскиот двократен шампион во скијање на вода, Брајан Граб, доживеа авантура од соништата „сурфајќи“ по најдолгата подземна река во САД.

Граб се најде на 30 метри под површината на земјата за својот револуционерен подвиг, што е прва подземна експедиција на „eFoil” во историјата. Инаку, „eFoil” e даска за на вода под која има хидрофолија, која овозможува ефект на лебдење над водата. За разлика од обичните даски за сурфање, „eFoil” не зависи од јачината на брановите бидејќи се напојува со батерии.

За својата авантура тој ги избра темните длабочини на пештерите Блуспринг во Бедфорд, Индијана, САД, поточно реката Мистри, позната како најдолгата подземна река во Америка. Се снимаше ноќе, бидејќи пештерата преку ден е отворена за посетителите.

Со својата авантура, Граб всушност отвори нов екстремен спорт - тн. „подземен ефоилинг“.

Извор:  МИА
Објавена на 27.07.2023 11:48:01