Повеќе од три децении, култното дуо „Dead can dance” ја маѓепсува публиката низ светот со својот уникатен звук и визуелен перформанс. Деновиве и Скопје имаше можност да ужива во неповторливата изведба на Лиза Џерард и Брендан Пери, кои приредија вистинско шоу на сцената на Филхармонија.
Во живо имавме можност да се увериме во убавината на овој музички феномен, чија невројатно моќна емоција е проткајана во секоја нота од нивните дела.
„Dead can dance” зад себе имаат осум студиски и три албуми во живо, како и многу успешни светски турнеи.
И повеќе од јасно е зошто, никој не може да остане рамнодушен пред опојната мешавина на музички влијанија и енигматскиот звук кој е карактеристичен за нив. Стоечките овации, се само доказ повеќе дека македонската публика остана воодушевена пред овој неверојатен настап.
Фото: З.А