„Проектот Kuiper“ како иницијатива на „Амазон“ соопшти дека се резервирани десетици лансирања на интернет-сателити во Земјината Орбита. Сателитите ќе бидат поставени преку моќни ракети кои ги развива европската компанија „Arianspace“, со американските „United Launch Alliance” и „Blue Origin“.
Предвидени се вкупно 83 лансирања со ракети, во период од пет години, со цел поставување на мрежата од 3.236 сателити на. Подробнсти за цените на договорот, не се соопштени, но познато е дека се вложија милијарди долари во три зделки, според наводите на Џејмс Воткинс, гласноговорник на „Проект Kuiper“. И „Амазон“ потврди дека ова е „најголемиот договор за лансирање ракети“ во историјата.
Сателитите во ниската орбита на Земјата ќе треба да обезбедат интернет-покриеност на целата планета. За да се користи системот, ќе треба да се има посебна антена којашто беше најавена во 2020 година.
Концептот е доста сличен на постарата сателитска интернет-мрежа „Starlink“ на „Space-X“, која ќе се состои од 10-ци илјади сателити коишто би обезбедувале интернет од ниската орбита на Земјата. „Старлинк“ досега има околу 250.000 корисници, а „Kuiper” сѐ уште нема лансирано ниту еден сателит.
Од ракетите,, засега во функција е само ракетата „Atlas B“. Кога потребните ракети ќе бидат готови ќе имаат и поголема товарна носивост.