За да го избегнувате покачувањето на крвниот притисок, треба да консумирате храна со низок процент на сол. Нутриционистите предупредуваат дека против високиот притисок треба да се борите со три моќни минерали: калциум, магнезиум и калиум. Токму следните природни намирници ќе ви помогнат во таа борба:
Грав
Во гравот се наоѓа значајна количина на калциум, магнезиум и калиум, кои делуваат врз високиот крвен притисок. Гравот може да го јадете варен, да го додавате во супите, во салатите или да го правите како пире.
Обичен јогурт
Овој млечен производ е одличен извор на калциум и други минерали кои позитивно делуваат врз нашето здравје. Започнувајте го денот со јогурт, но искористете го и за припрема на салати и житарици.
Киви
Освен што се полни со витамин С, кивите ќе ви помогнат при намалување на крвниот притисок. Најдобро е да ги консумирате свежи во овошни салати.
Банани
Со една средно голема банана ќе задоволите 12% од дневните потреби за калиум. Ова егзотично овошје е одличен сојузник во борбата против стрес.
Кељ
Овој лиснат зеленчук го нарекуваат суперхрана, бидејќи има многу повредни антиоксиданси, а истовремено многу малку калории. Младиот кељ најдобро е да го консумирате во салата.
Брокула
Сто грама брокула зготвена на пареа ќе ви овозможи 6% калциум, 8% магнезиум и 14% калиум за еден ден. Овој зеленчук е преполн со антиоксиданси кои се добри за здравјето, па мора редовно да го вметнувате во менито.