Светлата на божиќното дрво пред њујоршкиот „Рокфелер” центар беа официјално и свечено запалени на Менхетен.
Дрвото е покриено со повеќе од 50.000 светлки во боја на виножито, а на врвот е поставена ѕвезда обложена со кристали тешка околу 400 килограми. Овогодишната „елка“ во центарот на Рокфелер е од сојузната држава Мериленд.
На свеченоста присуствуваа многу гледачи, за разлика од лани, кога пристапот беше ограничен поради пандемијата на коронавирус. На сцената излегоа музичарите Нора Џонс, Хери Коник Помладиот, Бред Пејсли и Алеша Кара. Настанот одеше во живо на телевизијата „NBS”.
Првата елка пред „Рокфелер“ беше поставена од страна на вработените во 1931 година, од кога и трае традицијата.