Американската актерка Сандра Булок ги коментираше гласините за врска со Кијану Ривс во интервју за „Esquire”… Имено, тие се запознаa на снимањето на акциониот филм „Speed”од 1994-та година, а во 2006-та глумеа како двојка и во филмот „The Lake House”.
Имаат заеднички пријатели и ист агент. Поради оваа причина, Булок и Ривс често се среќаваат на холивудските забави, каде што се забавуваат и се дружат. Па така, не се изненадувачки гласините за романтична врска меѓу нив…
Прашана дали навистина имало нешто повеќе од работата и пријателството, Сандра Булок решително вели – не!
Според актерката, ова „нешто повеќе“ би го уништило „нивното големо пријателство“. Сепак, таа не ја исклучи можноста да има романса во иднина…
– Кој знае!? Кијану е човек кој, мислам, е пријател со секоја жена што ја запознал. Мислам дека нема некој што би рекол нешто страшно за него. Па можеби би го преживеале и тоа… Не знам, вели таа.
Булок додава дека Ривс е човек кој знае да слуша и има добри сеќавања за него. Поради него, на околу една година по „Speed“, таа првпат пробала шампањско и чоколадни тартуфи.
Од 2019 година, Кијану Ривс се гледа со уметницата Александра Грант. А, Сандра Булок претходно беше вo брак со ТВ-водителот Џеси Џејмс, од кого се разведе во 2010-та по пет години брак, поради неговите неверства.