Џенифер Лопез е подготвена за нов брак

Џенифер Лопез, која од април повторно е во врска со своето поранешно момче Бен Афлек, за „Today“ изјави дека сѐ уште верува во брак, иако е трипати разведена. Таа призна дека е и дека од секогаш била „романтична личност“.

– Сè уште верувам во среќен брак, до крајот на животот. Сигурна сум, 100 отсто!, вели пејачката-актерка.

Во претстојниот филм на Лопез „Омажи се за мене“ (Marry Me), таа глуми пејачка која многупати била омажена – слично како и во вистинскиот живот.

– Чувствувам дека сум човечко суштество, како и сите други. Имав подеми и падови, правев грешки и навистина сум горда на она што го постигнав во мојот живот и каква сум како личност – мајка, актерка!, вели таа.



Лопез се смири со Афлек откако се раздели со претходниот свршеник – поранешниот бејзбол-играч на „Јенките“, Алекс Родригез. Таа се омажи за својот прв сопруг – актерот Ојани Ноа во 1997-ма, а се разделија во 1998-ма година. Потоа се омажи за кореографот Крис Џад и тоа траеше од 2001-ва до 2003-та година. Следуваше бракот со нејзиниот колега, пејачот Марк Ентони во 2004-та, со кого ги има 13-годишните близнаци Ема и Макс, но се разведоа во 2014-та година.

Лопез беше во врска и со раперот Шон „Диди“ Комбс од 1999 до 2001 година, како и со Каспер Смарт подоцна. Гласините велат дека и Дрејк договорил неколку состаноци со убавицата, но и дека таа „кратка афера“ најверојатно не е ништо повеќе од „маркетиншки трик“.

Извор:  МИА
Објавена на 22.11.2021 11:52:58