Холивудската ѕвезда Анџелина Џоли во интервју за српскиот портал ,,Nova.rs” за новиот филм „The Eternals”, вели дека е епски, доста емотивен и многу човечки.
– The Eternals постојат одамна. Приказната е за нивното доаѓање на Земјата и нивниот однос кон луѓето од самиот почеток. Тие се тука додека човештвото се развива, па се менуваат како што се менуваат и луѓето. Но, тие се бесмртни вонземјани кои формираат тим за заштита на човештвото, вели актерката.
Таа смета дека режисерката Клои Жао била одличен избор за оваа научнофантастична авантура. Омилено нешто во врска со филмов ѝ било тоа како другите се справуваат со своите улоги на суперхерои и тоа што сите изгледале како едно големо семејство.
– Се надевам дека многу луѓе ќе се видат себеси како суперхерои, ако можеби досега не се гледале така. Возбудена сум поради тоа!, нагласи Анџелина Џоли.