Прошетка „низ воздухот“ во Њујорк

„Воздух“ – уметничка инсталација на уметникот Кензо Дигитал – се отвора вo четврток во неодамна завршениот облакодер „One Vanderbilt“ во општината Менхетн. Тој сега е четврта највисока зграда во Големото Јаболко.

Целосно стаклениот лифт, вклучувајќи го и подот, ги крева авантуристите до висина од 360 метри за само 42 секунди. Според Кензо, кој е познат по соработката со пејачката Бијонсе, искуството предизвикува „поглед на пространството и го потопува посетителот меѓу облакодерите и другите зданија“.

– Тоа е еуфорично и „мултисетилно“!, вели тој.

„One Vanderbilt“ е веднаш до станицата „Гранд централ“ и е висок 430 метри. Повисоки се само Светскиот трговски центар 1, како и станбените кули „Централ парк“ и „111 западна 57-ма улица“ во Њујорк.

Извор:  МИА
Објавена на 20.10.2021 11:04:27