Yll Limani paralajmëron albumin e ri

Ylli Limani është një tjetër artist që ka nisur punën për albumin e ri.

Pas një sërë albumesh që janë në përgatitje e disa prej të cilëve edhe janë publikuar, artisti i njohur ka bërë të ditur së fundmi se edhe ai është në realizim të një projekti madhështor.Kështu ka lënë të kuptohet në bazë të një postimi të fundit të shpërndarë në InstaStory.

“Mezi po pres që ju njerëz ta dëgjoni të gjithë albumin”, kanë qenë fjalët e tij.

Megjithatë deri më tani nuk ka zbuluar ndonjë detaj tjetër sa i përket këtij albumi.

Duket se në album të Limanit edhe këtë herë nuk do të mungojnë baladat e bashkëpunimet me emra të njohur.

Sidoqoftë, deri atëherë duhet shijuar projektin e fundit të Yllit të titulluar “ E di&Marre” që e solli në bashkëpunim me Elvana Gjatën.Kënga deri më tani ka kaluar shifrën e 20 milionë klikimeve. /Telegrafi/

Извор:  0
Објавена на 12.10.2021 08:17:49