Холивудската ѕвезда Вил Смит, во неодамнешното интервју за „GQ“ беше прашан, кој од филмовите во коишто глумел смета дека е најслаб?
Без двоумење, тој одговори дека каубојската комедија од 1999 година – „Wild Wild West“ е неговиот најнеомилен филм.
– „Wild Wild West“ ми е трн во око. Не ми се допадна. Првиот дел од „Луѓе во црно“, како и „Потрага по среќата“ ги сметам за најдобри. Од различни причини, мислам дека ова се моите два речиси совршени филма, изјави тој.
Годинава тој е актуелен со биографскиот „Кралот Ричард“, а најавени се уште неколку филма во претпродукција, меѓу кои и „Лоши момци 4“, „Брзи и лабави“ и други.