Наполи единствен клуб во најдобрите пет лиги што не загубил бодови сезонава

Наполи е единствениот клуб во најдобрите пет фудбалски лиги во Европа што нема загубено бодови тековната сезона.

Вчера Наполи ја совлада Фиорентина (2:1) во натпреварот од 7. коло на италијанската Серија А, додека Пари Сен-Жермен загуби од Рен во натпреварот од 9. коло на француската Лига 1 (0:2). Така, италијанскиот клуб остана единствениот тим што не загуби бодови во националното првенство.

Наполи ги победи сите седум досегашни натпревари во Серија А сезоната 2021/22. Тимот е лидер со 21 бод. За Наполи игра македонскиот репрезентативец Елиф Елмас.

Извор:  МИА
Објавена на 04.10.2021 11:53:00