Facebook се здружи заедно со Ray-Ban и заедно ја претставија својата првата генерација на смарт очила со две камери, кои ќе им овозможат на корисниците да прават фотографии и видеа додека се во движење.
Ray-Ban Stories доаѓаат со двојнa интегрирана камера од 5 мегапиксели, три микрофони и дискретни звучници. Фотографиите и видеата, кои што се прават со овие очила, може да се споделат преку смартфон на TikTok, Snapchat, Facebook, Instagram и други социјални медиуми.
- Ray-Ban Stories се дизајнирани да им помогнат на луѓето да живеат во моментот и да останат поврзани со луѓето со кои што се и со оние со кои што сакаат да бидат. Воведуваме целосно нов начин на кој луѓето можат да останат поврзани со светот околу нив, да бидат целосно присутни во најважните моменти од животот и притоа да изгледаат добро додека го прават тоа, велат од Facebook.
Лансирањето на Ray-Ban Stories се смета дека е дел од планот на Марк Цукерберг платформата за социјални медиуми да стане „метаверза“ која се пробива во реалниот свет. Тој претходно рече дека очилата за зголемена реалност (АР) се „Светиот грал“ на „давањето чувство на присуство, кои нема да ве оддалечи од физичкиот свет.
Ray-Ban Stories ќе чинат од 299 долари и ќе бидат достапни во 20 различни дизајни. Ќе може да се купат онлајн и во определени продавници низ Америка, Австралија, Канада, Ирска, Италија и Обединетото Кралство.
Introducing Ray-Ban Stories
Today we're making Ray-Ban history with Facebook. Introducing Ray-Ban Stories, our first generation of smart glasses: the new way to capture, share and listen. #RayBanStories Rocco Basilico Mark Zuckerberg
Posted by Ray-Ban on Thursday, September 9, 2021