Принцот Хари и неговата сопруга Меган Маркл, минатата недела станаа родители на девојче, кое го доби името Лилибет Дијана. Сепак, она што требаше да биде можност за помирување на двојката и кралското семејство за кратко се претвори во ново несогласување.
Девојчето кое се роди минатиот петок, го доби името Лилибет Дајана, во чест на кралицата Елизабета Втора и покојната принцеза Дајана. Извори блиски до Хари и Меган тврдат дека кралицата била известена за нивната желба да ја крстат својата ќерка во чест на неа, но лица од палатата за BBC го тврдат спротивното.
По ова принцот Хари се закани дека ќе ги тужи BBC за лажно известување.
-Војводата зборуваше со неговото семејство пред соопштението за јавноста, во суштина неговата баба беше првиот член од семејството на кој му се јави. Во текот на разговорот, тој и кажа на кралицата дека би сакал нивната ќерка да биде крстена Лилибет во нејзина чест. Ако таа не им дадеше поддршка, тие немаше да го користат тоа име, рече блискиот пријател на Меган и Хари, Омид Скоби.
BBC пак се повика на извори од палатата кои сакаат да останат анонимни. Според нив, кралицата воопшто не знаела за намерата на парот. Сето ова повторно предизвика тензија помеѓу принцот Хари, кралското семејство и BBC.