Џенифер Анистон, Кортни Кокс, Лиса Кудроу, Мет Лебланк, Метју Пери и Дејвид Швимер, ѕвездите на култната хумористична серија „Пријатели“, се враќаат на екраните со новиот специјал „Пријатели: Повторно заедно“ (Friends: The Reunion) кој екслузивно доаѓа на 27. мај на HBO GO.
Специјалот е снимен без сценарио на легендарниот стејџ на 24 Warner Bros. Television во Бурбенк, Калифорнија каде што е снимена и серијата, а во него ќе се појават голем број ѕвезди: Дејвид Бекам, Џастин Бибер, Џејмс Корден, Синди Крафорд, Кара Делевињ, Лејди Гага, Елиот Гулд, Кит Харингтон, Лерин Ханкин, Минди Кејлинг, Томас Ленон, Кристина Пиклс, Том Селек, Џејмс Мајкл Тајлер, Меги Вилер, Рис Видерспун и Малала Јусафзаи.
Режисер на специјалот е Бен Винстон, а во исто време е и извршен продуцент заедно со Кевин Брајт, Марта Кауфман и Дејвид Крејн.
Специјалот е во продукција на Warner Bros. Unscripted Television во соработка со Warner Horizon, Fulwell 73 Productions и Bright/Kauffman/Crane Productions.
Меѓу извршните продуценти се и Џенифер Анистон, Кортни Кокс, Лиса Кудроу, Мет Лебланк, Метју Пери и Дејвид Швимер. Извршни копродуценти на специјалот се Ема Конвеј, Џејмс Лонгман и Стејси Томау Муир.