Kоренот од билката рен ќе ви ги излечи воспалените синуси на многу едноставен начин, кој се прави во домашни услови, преку инхалација и облоги.
Во народната медицина, ренот е одамна познат како лековита билка. Заради својот остар и лут вкус, но и етеричните масла кои ги содржи, ренот е многу баран корен. Негова главна состојка е гликозин синигринот, благодарение на која ренот се третира како лековито средство.
Дознајте и применете неколку проверени рецепти како ренот ги лечи синусите.
Инхалација за воспалени синуси
На загреана рингла покриена со алуминиумска фолија, ставете малку рендан рен. Покријте се преку глава со крпа и 5-10 минути вдишувајте го испарувањето, непосредно пред спиење.
Пецкањето кое ќе го почувствувате во носот пред да си легнете во кревет е знак на позитивното дејство на ренот.
Доколку веќе подолго време ве мачат синусите и не можете да спиете, а секретот од носот никако да престане, еве ви уште еден проверено добар рецепт.
Потребни состојки:
-стаклено шише или тегла од половина литар
-изрендан рен речиси до врвот на шишето
-вински оцет
Шишето со ренот дополнете го со винскиот оцет, затворете го да не ветрее и држете го така на собна температура 10-тина дена. Кога и да се сетите, протресете го шишето. Најрано после 7 дена, отворете го шишето и вдишувајте околу 5 минути. Трудете се да дишете длабоко. Потоа затворете го шишето и повторувајте ја постапката на секој час.
Навечер истурете малку од течноста на памучна ткаенина, држете ја барем 15-тина минути на челото и тилот. Идеално би било доколку можете да преноќите со облогите. Постапката повторувајте ја 5 до 7 дена најмногу.