Футурама

Дигитален детокс: Компанија плаќа 2.400 долари за 24-часови поминати без електронски уреди

Компанијата Reviews.org ќе му плати 2.400 американски долари на секој што може да избегне користење мобилен телефон цели 24 часа, како и други електронски уреди.



Оние што ќе бидат одбрани за предизвикот и ќе одговорат на истиот, ќе бидат наградени со наведената сума.

-Ако имате желба еден ден да не го користите вашиот уред и сакате да заработите пари за тоа, ова е совршена можност за вас, се вели на страницата на компанијата, во описот на „Дигиталниот детокс предизвик“.

За нив, идеален кандидат е оној кој секојдевно се занимава со современата технологија, но е подготвен да биде дел од предизвикот. Ова изгледа како лесен потфат, но не е така, зашто на учесниците не им е дозволено ниту да гледаат телевизија, ниту да користат компјутери итн.

Учесниците ќе добијат сефови во кои ќе ги оставаат своите уреди на чување 24 часа, како и картичка „Амазон“ во вредност од 200 американски долари. Со неа, ќе можат да ги купат работите со коишто ќе го поминат денот. Можат да користат машина за пишување, да сликаат…

Од учесниците ќе се бара и да го опишат своето искуство од ова доживување.

Според извештајот на непрофитната организација „Common Sense Media’, американските тинејџери минуваат во просек седум часа пред екранот. Пријавувањата за учество во предизвикот се отворени до 26-ти март.

Извор:  МИА
Објавена на 22.03.2021 11:33:43