„Лига на правдата на Зек Снајдер“ доаѓа на 18.март на HBO GO
HBO Max најави дека долгометражниот Max Original филм на Warner Bros. Pictures и DC „Лига на правдата на Зек Снајдер“ (Zack Snyder’s Justice League) ќе има премиера во четврток, 18. март, кога ќе стане достапен на HBO GO. Освен најавата за премиера, беа претставени и три нови тизер постери за филмот.
Премиерата на филмот ќе биде поддржана на сите платформи на WarnerMedia и DC, вклучувајќи и објавување на музиката од филмот во соработка со издавачката куќа WaterTower Music.
Во исто време со премиерата на HBO Max стриминг платформата во САД, филмот екслузивно ќе биде достапен и преку стриминг услугата на HBO во нордиските земји, Централна Европа (влучувајќи ја и Македонија), Шпанија и Португалија, како и преку услугата HBO GO во Азија. Во Латинска Америка ќе има ексклузивна премиера на HBO Max, откако услугата ќе стане достапна во тој регион во текот на годината.
Во „Лига на правдата на Зек Снајдер“, Брус Вејн (Бен Афлек) се здружува со Дајана Принс (Гал Гадот), решен да осигура дека жртвата која ја направи Супермен (Хенри Кавил) нема да биде залудна. Нивниот план е да соберат тим на металуѓе за да ја заштитат планетата од напад кој би имал катастрофални размери. Но, испаѓа дека тоа е многу потешко отколку што Брус претпоставувал затоа што секој член мора да се соочи со демоните од своето минато за да го надминат тоа што ги кочи и конечно да направат неверојатна лига на херои. Кога Бетмен (Афлек), Вондер Вуман (Гадот), Аквамен (Џејсон Момоа), Киборг (Реј Фишер) и Флеш (Езра Милер) ќе се здружат можеби ќе биде доцна да се спаси планетата од Степенвулф, ДеСад и Дарксајд и нивните ужасни намери.
Извор: ИДИВИДИ
Објавена на 03.02.2021 11:55:37