Американската актерка Дакота Џонсон, која се прослави со улогата на Анастасија Стил во филмот „50 нијанси сиво“ искрено проговори за нејзината долгогодишна борба со депресијата.
Дакота е ќерка на познатите актери-ветерани Дон Џонсон и Мелани Грифит. Во ТВ-емисијата на Дру Баримор, таа открива дека уште на 14-годишна возраст била на психотерапија поради нејзиниот проблем.
-Веројатно ќе треба да одам на терапија до крајот на мојот живот, но тоа е добро затоа што учењето за еден човек никогаш не престанува. Благодарна сум ѝ на психологијата затоа што тоа навистина ми помага. Јас сум среќна што сум опкружена со луѓе кои постојано ме поттикнуваат да се отворам кон светот, да ги разберам своите проблеми и да се истражувам себеси подлабоко, вели младата актерка.
Дакота вели и дека за време на карантинот поради пандемијата, интензивно ѝ се посветила и на интернет-психологијата за да се справи со својата депресија.
Актерката во моментот е актуелна со новиот филм „Наш пријател“, во кој глуми заедно со Кејси Афлек.