Вселенската компанија Blue Origin, основана од милијардерот Џеф Безос, изведе успешен пробен лет на своја ракета, која еден ден ќе превезува туристи во Вселенатa. Датумот на првиот туристички лет сè уште не е познат.
Капсулата „New Shepard“, беше лансирана со мала ракета за повеќекратна употреба и слета вертикално.
Ракетата достигна 106 километри надморска височина пред да се врати во пустината во западен Тексас. Летот траеше 10 минути и 9 секунди.
Blue Origin претходно го откри и внатрешниот дизајн на капсулата. Бројни камери ќе послужат да се сними искуството на туристите во бестежинска состојба што ќе трае неколку минути.
Конкурентската компанија Virgin Galactic летово, исто така, ја покажа внатрешноста на својот вселенски брод, којшто ќе има слична туристичка намена.Ниту една од компаниите сè уште не објавила конкретен датум за туристички летови во Вселената.