Њујоршката филхармонија се претвора во патувачки оркестар
Поради пандемијата на коронавирус, Њујоршката филхармонија, најстариот оркестар од ваков тип во САД, ги затвори вратите на својата концертна сала – познатиот „Линколн центар“, во март годинава. Во обид да ја вратат својата публика, пред неколку дена од таму најавија патувачка турнеја.
Go behind-the-scenes as we wrap the NY Phil Bandwagon! Keep your eyes peeled as we “pull-up” to a neighborhood near you, beginning today! While we can’t share locations and times, we look forward to performing for those who run into us on the road! #nyphilbandwagon
Posted by New York Philharmonic on Friday, August 28, 2020
Предводничката на Филхармонијата, виолинистката Дебора Борда дошла до идеја оркестарот да изнајми камион со којшто, заедно со дел од придружниот персонал и потребната опрема, музичарите ќе патуваат низ сите пет општини на Њујорк секој викенд. Тие ќе настапуваат на јавни површини, како што се градските паркови.
Концертите ќе траат 15 минути, а нивните места не се објавуваат однапред, за да се задржи што е можно помал број посетители заради спречување на ширењето на заразата со коронавирусот.
Поради Ковид-19, музичарите повикуваат на применување строги хигиенски мерки за време на настапите, а самите тие ќе се тестираат ден или два пред секој од настап.
Извор: МИА
Објавена на 31.08.2020 11:04:46