Чиа пудинзите се супер здрава опција за појадок. Денеска од кујната на Dave’s Kitchen ви споделуваме пет идеи за чиа оброк. Одберете го Вашиот омилен и подгответе го 30-40 минути пред да го консумирате. Може да се подготви и од вечер за наредното утро.
Потребни состојки:
1.Чиа пудинг со шумско овошје
- 3-4 лажици чиа семе
- 150 мл. бадемово млеко ( може и обично кравјо или било кое друго растително млеко)
- 2 лажички мед
- Мешано шумско овошје за декорација
2.Чиа пудинг со семки од тиква
- 3-4 лажици чиа семе
- 150 мл млеко
- 2 лажички мед
- 2 лажици семки од тиква
3.Чоко чиа пудинг
- 3-4 лажици чиа семе
- 2 лажици какао
- 150 мл млеко
- 2 лажици агаве сируп или малтекс
- 1 лажица чоко капки
- 2 лажици сечкани ореви
4.Чиа пудинг со бадеми и мед
- 3-4 лажици чиа пудинг
- 150 мл млеко
- 2 лажички мед
- 2-3 лажици сечкани бадеми
5.Чиа пудинг со кокос и малина
- 3-4 лажици чиа пудинг
- 150 мл млеко
- 1 лажица кокос
- 2 лажички мед или шеќер
- 5-6 малинки за декорација
- Кокосов чипс за декорација
Начин на подготовка:
За да подготвите било која од овие вкусни комбинации во чаша ставете го млекото, чиа семето и промешајте. Оставете во ладилник 30 минути да се згусне, а на секои 10 минути промешајте за да биде еднаква густина во целата чаша. Пред сервирање додајте го медот и декорирајте ја секоја чашка со Вашиот омилен вкус.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.