Bolsonaro: Korona është si shiu, në fund të gjithë do të lagen

Brazili, 8 korrik 2020 (MIA) – Presidenti brazilian Zhair Bolsonaro, i cili është i infektuar me koronavirus, e krahasoi sëmundjen me shiun, duke theksuar se në fund të gjithë do të lagen.

Bolsonaro, i cili që në fillim të pandemisë e nënvlerëson seriozitetin e koronavirusit, duke e quajtur “grip të vogël”, tha se nuk është i befasuar që është infektuar.

Ai shtoi se ka simptoma të buta dhe se ndjehet mirë, lajmëroi Bi-Bi-Si.

Bolsonaro të dielën ishte fotografuar pa maskë në kremtimin e Ditës së pavarësisë në Ambasadën amerikane, ndërsa disa ministra brazilianë për momentin janë në izolim derisa i presin rezultatet e testit.

Brazili është një ndër vendet më të rrezikuara në botë, me pothuajse 1,7 milionë të infektuar dhe rreth 67.000 të vdekur nga Kovid-19. ar/