Сопругата на британскиот принц Хари, Меган Маркл тврди дека кога била бремена, не добила соодветна заштита од кралското семејство од „лажните написи“ во медиумите. А тоа, како што таа тврди, нејзе ѝ предизвикало емоционални и психолошки тешкотии.
Овие наводи се дел од новите документи доставени од нејзиниот правен тим до надлежниот суд, во тужбата што ја води против весникот „Mail on Sunday“ и компанијата што го поседува весникот. Доскорешната војвотка од Сасекс истакнува дека британската монархија не ѝ пружила заштита кога таа станала „предмет на голем број лажни и штетни написи“ објавени во печатот за време на нејзината бременост, што предизвикало огромни емоционални проблеми и ментално здравје.
Меган поднела тужба против компанијата во врска со написот во кој се објавени делови од ракописна порака што таа му ја испратила на нејзиниот татко Томас во 2018 година, со кого таа не е во најдобри односи. Според адвокатот на актерката, објавувањето на статијата ја нарушило нејзината приватност.