Холивудската актерка, Џенифер Анистон, ги повика луѓето да бидат одговорни и да носат маски за време на корона пандемијата.
-Знам дека маските се незгодни и непријатни. Но, нели мислите дека е полошо тоа што бизнисите се затвораат...Се губат работни места...Здравствените работници се доведени до апсолутна исцрпеност. И загубивме толку многу животи бидејќи не правиме доволно, вели Анистон.
Иако во Калифорнија, носењето маски на јавни места е задолжително, во многу други делови од Америка прашањето за маските се сведува на личен избор.
-Навистина верувам во добрината на луѓето, па знам дека можеме подобро, но во земјава се уште има многу луѓе кои одбиваат да ги преземат неопходните чекори за да ја намалиме кривата и да бидеме безбедни. Луѓето се загрижени дека им се одземаат правата ако некој од нив бара да носат маска. Оваа едноставна и ефективна препорака се политизира на сметка на животот на луѓето. А во суштина воопшто не треба да се дебатира. Ако навистина се грижите за човечките животи, ве молам...Носете ја проклетата маска и поттикнете ги луѓето околу вас да го направат истото, додава актерката.