Меј Бојс од Нешвил, Тенеси, САД, со пиштол застрелала крадец, откако „ѝ се смачило“ да ѝ крадат од погонот за производство на алкохол, како што таа изјавила пред полицијата.
Вдовицата која има 88 години, го зела својот револвер кога еден возрасен маж се обидел да ѝ украде алкохол од нејзиниот имот и пукала во човекот.
– Го направив тоа што требаше. Се надевам и дека ќе се расчуе бидејќи веќе нема да го трпам ова, изјави бабичката за весникот „Њујорк пост“.
Таа е пуштена од притвор со кауција од 10.000 долари. Полицијата ѝ го одзела оружјето. Всушност, бабичката не целела кон крадецот, туку во подот, но го погодила во ногата. Таа никогаш досега не пукала со оружје.
– Кога луѓе коишто те краделе со години те сметаат и за глупачка, тогаш „ти пука филмот“. И не ме ставајте во редот на беспомошни стари жени. Знам како да се грижам за себе!, додава Бојс.
Бојс работи во својата просторија за производство на алкохол шест дена во седмицата. Погонот го поседува уште од 1994 година.