Овие лиснати плетенки се подготвуваат многу брзо бидејќи за нив ќе користите готово лиснато тесто. Истото може да го пронајдете во поголемите супер маркети замрзнато како лиснати плочки.
Потребни состојки:
- 500 гр лиснато тесто
- 2 лажици путер или маргарин
- 2-3 лажици мешан сув зеленчук
- 2-3 лажички сусам
- 1 јајце лесно изматено за премачкување
Начин на подготовка:
Одмрзнете го лиснатото тесто и расукајте го на набрашнета работна површина во голема правоаголна кора тенка 2-3 мм. Со помош на мини шпатула, лажица или ноже премачкајте го путерот или маргаринот низ целата кора со цел да ни залепи мешаниот сув зеленчук. Нарусете од мешаниот сув зеленчук и кората превиткајте ја на половина. Пресечете ленти надолу и превиткајте ги како спирала. Наредете ги во тавче со хартија за печење. Секоја од плетенките премачкајте ја со лесно изматено јајце и нарусете сусам и мешан сув зеленчук по желба. Печете во загреана рерна на 190 степени околу 20-тина минути. Послужете во декоративна чинија.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.