Научниците од Европската Вселенска Агенција (ESA) откриле начин за продуцирање на кислород од лунарната прашина.
Со анализирање на примероци од вистинската лунарна прашина било откриено дека 40-45% од нејзината тежина е кислород, па во лабораторијата на ESA во Холандија е отворен прототип на „кислородна централа“ – систем кој го меша симулираниот лунарен реголит со стопена сол од калциум хлорид. Оваа мешавина потоа се загрева до 950 °C и низ неа се пушта електрицитет, при што се ослободува кислород во процес наречен електролиза на стопени соли.
Овој процес на електролиза има уште еден корисен нуспроизвод – метални легури, за кои научниците бараат најдобри начини на кои би можеле да се искористат на Месечината.
Оваа технологија засега не е испитана со примероци од вистинска лунарна прашина, а тимот е во процес на дизајнирање на „пилот централа“ која би можела да се користи на Месечината до средината на 2020-тите.