Италијанскиот леб, овојпат доаѓа во комбинација со една од највкусните состојки – артичока.
Таа му дава богат, егзотичен вкус и необичен мирис на овој леб, а тајните состојки во тестото се маслиновото масло и компирот.
Потребни состојки:
- 400 гр брашно
- Сол по вкус
- 1 лажичка шеќер
- 1 среден компир, (сварен, изладен и испасиран)
- 5 лажици маслиново масло
- 2 пакетчиња сув квасец ( или ¾ од цела коцка свеж квасец)
- 200 мл. млака вода
- 1 конзерва парчиња артичока
- 1-2 чешниња лук, ситно исечкани
Начин на подготовка:
Во сад ставете ги сите состојки и замесете меко тесто. Поделете го на два еднакви делови и распределете го во две правоаголни тави, добро премачкани со маслиново масло.
Оставете да стаса околу 40-60 минути на собна температура. Пред печење со помош на прстите направете дупчиња низ целата површина и наредете со парчиња артичока исечкана на помали листови. Врз тоа ставете го ситно исечканиот лук и полејте со малку маслиново масло.
Печете во загреана рерна на 180 степени околу 20-тина минути.
Добар апетит и забавно готвење.
За повеќе рецепти посетете ја официјалната ФБ страна на Давор, Dave’s Kitchen.