Përdorimi i telefonave të mençur lidhet me ankth, vetmi dhe depresion

Sipas hulumtimeve të publikuara në revistën “NeuroRegulation”, përdorimi i tepërt i telefonave të mençur nuk është më ndryshe sesa çdo lloj tjetër i abuzimit me substanca.

Përdorimi i telefonave të mençur lidhet me ankthin, vetminë dhe depresionin, transmeton Telegrafi.

Sipas ekspertëve, një prej arsyeve prapa rritjes së shkallës së depresionit në botën moderne është për shkak të përdorimit të tepërt të telefonave të mençur.

Kjo është një prej arsyeve se përse Franca e ka kuptuar rëndësinë e ndalimit të telefonave në shkolla dhe pjesa tjetër e botës ka filluar shpejt ta ndjekë këtë trend.

Telefonat e mençur kanë informacione interaktive, qasje në internet dhe ju nxisin që tërë kohën të qëndroni në rrjete sociale e kjo shkakton stres. Pastaj shpie në ankth dhe eventualisht në depresion.

Hulumtimi po ashtu thotë se Facebook-u ndikon në shëndetin tuaj duke shkaktuar depresion.

Arsyeja për këtë është shumë e thjeshtë. Çështja e pëlqimit (opsionit ‘Like’) ju vë në stres.

Posa të postoni diçka – foto apo video – ju vazhdimisht i kontrolloni pëlqimet dhe kur njerëzit nga të cilët prisni reagim nuk e pëlqejnë apo komentojnë postimin tuaj, kjo ju shkakton stres. /Telegrafi/