Низ светот има туристички места за кои многумина сметаат дека се преубави за да би биле вистински. Овие надреални атракции навистина постојат и дефинитивно вреди да се видат во живо.
1) Лас Посас, Ксилитла, Мексико
Дизајнирани од британскиот писател Едвард Џејмс, на овие градби им нема слични во светот. Оваа надреална атракција прикажува бетонски архитектонски структури и нуди фантастични рути со кои посетителите се чувствуваат како да се движат помеѓу фантазијата и реалноста.
2) Планина на спасението, Ниланд, Калифорнија
Оваа пустинска атракција се наоѓа на час и половина возење од Палм Спрингс и претставува „почит кон Бог и неговиот дар на светот“ од нејзиниот креатор Леонард Најт.
3) Пловечките острови Урос, Езеро Титикака, Перу
Племето Урос кое живее тука го има задржано начинот на живот стотици години, а туризмот игра голема улога во нивното денешно опстојување.
4) Мистичните топли извори, Монро, Јута
Мајк Гинсбург има инсталирано кади во овој ресорт, кои им овозможуваат на љубителите на патувањата да уживаат во природните минерални води од длабочините на земјата.
5) Пештерите Ваитомо, Нов Зеланд
Овие пештери се дом на еден вид светлечки црви ексклузивни за островот Ваитомо.
6) Земјената формација Zhangye Danxia, Гансу, Кина
Оваа земјена формација е резултат на минерални депозити од пред повеќе од 24 милиони години, а локацијата е најатрактивна за гледање на изгрејсонце и зајдисонце.
7) Пештерата Сон Донг, Виетнам
Една од најголемите пештери во светот, Сон Донг има сопствена река и џунгла, а била откриена во 2009-та. Се верува дека била креирана пред 2,5 милиони години кога реката го еродирала варовникот под планината.
8) Ледените пештери Менхендал, Алјаска
Овие пештери се смета дека ja нудат една од најубавите глетки во светот и тоа со добра причина. Тие се лоцирани во внатрешноста на глечер долг 20км, а до нив може да се дојде исклучиво со кајак или со искачување во глечерот.
9) Езерото Хилиер, Австралија
Розовата боја на езерото Хилиер е резултат на специфичен вид на алга која расте во неговите води. Истата нема никаков несакан ефект врз локалниот див свет и луѓето кои го посетуваат.
10) Гејзерот Флај, Невада
Лоциран на приватно земјиште, овој гејзер бил сосема случајно креиран во 1964-та кога една геотермална компанија издупчила бунар. Притоа депозитите калциум карбонат формирале 3 необични структури кои изгледаат нереално.