Јадење на непроцесирана и здрава храна е вообичаена стратегија за успешно слабеење, меѓутоа тоа не значи дека истата може да се јаде во неограничени количини и сè уште да се слабее. Многу од ваквата храна е исклучително калорична и многу е лесно да се прејадуваме со неа бидејќи е лесна и не зазема место во стомакот.
Еве што нутриционистите препорачуваат да се консумира умерено доколку се обидувате да слабеете:
1) Авокадо
Една четвртина авокадо содржи околу 80 калории, во зависност од големината. Меѓутоа, ретко кој јаде толку мала количина, туку повеќето го јадат целото – околу 320 калории. Исто така, луѓето се прејадуваат со гвакамоле (намаз од авокадо), па многу лесно може да се внесат и до 400 калории со едно „мезење“.
2) Суво овошје
Сувото овошје е многу погусто со калории, а содржи и повеќе шеќер.
3) Ореви, лешници и слично
Ваквите „грицки“ се исклучително калорични и содржат доста масти, па доколку целта ви е слабеење важно е да се консумираат умерено.
4) Растителни масла
Полно луѓе користат здрави растителни масла како маслиновото, а многумина, особено оние на кето диета, внесуваат (здрави) масла во големи количини. Една голема лажица растително масло има околу 14 грама масти и 126 калории, што значи дека треба да се консумира во умерени количини.
5) Путер од кикирики
Путерот од кикирики е богат со протеин, а бидејќи е исклучително вкусен, многу е тешко да се јаде во мали количини. Една „доза“ е 2 големи лажици, што во просек се 200 калории, но многумина често внесуваат и до 400-800 калории.
6) Гранола и разни мешавини
Четвртина шолја гранола содржи околу 160 калории и 14 грама масти, но ретко кој ја јаде во таа количина. Мешавините, пак, кои содржат разни семки, мешунки и суво овошје се исто така богати со калории, често се консумираат во поголеми количини во текот на целиот ден.