Jammy е дигитална гитара идеална за музичарите кои се постојано во движење, која може многу лесно да се расклопи во 3 дела за да се спакува и повторно да се склопи за свирење. Поради ваквиот модуларен дизајн, таа е долга само 68cm. кога е склопена, а 43cm. кога е расклопена.
Jammy е неверојатно пренослива и лесна и тежи само 1.3кг. Има 15 прагови, вистински челични жици со прилагодлива напнатост и директен аудио излез.
Покрај исклучително модерниот и компактен дизајн, фактот што Jammy е дигитална гитара значи дека доаѓа со мноштво различни гитарски тонови и ефекти, а може да се поврзе и со смартфон преку специјално дизајнирана апликација која нуди многу различни музички стилови, ефекти и звуци. Сето она што е отсвирено може да се сними на неа, а потоа да се префрли на компјутер (PC или Mac).
Jammy користи ¼ инчен кабел за поврзување со стандардни гитарски засилувачи, како и џек за слушалки, и USB-C порт за полнење и поврзување на гитарата со миди уред или аудио интерфејс. Со едно полнење батеријата може да издржи и до 4 часа.