Светот на виртуелната реалност (VR) изминативе години е исклучително напреднат, со секојдневните иновации во индустријата која изработува хардвер за таа намена.
VR компанијата Cybershoes создала специјален вид на чевли кои кога ќе се стават на стапалата овозможуваат буквално да пешачите или трчате во виртуелниот свет.
Компанијата вели дека чевлите ќе имаат доволно прифатлива цена за пошироките маси, а моментално тие го промовираат нивниот редизајниран прототип кој овозможува побрзо и по „мазно“ движење – што се најважните елементи во динамичните авантуристички VR игри.
Она што ги прави Cybershoes примамливи е фактот што се компатибилни со скоро секоја VR игра на пазарот, без разлика дали се игра на StreamVR, HTC Vive, Oculus Rift, Windows Mixed Reality, или Pimax.
Облекувањето на Cybershoes на стапалата е едноставно, а корисникот за време на нивното користење е статичен. Секој кој има било каков VR уред ќе може да ги користи Cybershoes, а процесот на нивно нагодување и калибрирање е екстремно едноставен.
Со новата поддршка на ленти за трчање од Valve, Cybershoes ќе можат да се интегрираат и со SteamVR, па и да се користат надвор од гејмингот – како на пример за тренирање, во програми за физичка рехабилитација на повредени, стари или изнемоштени лица, за прошетки низ симулации на архитектонски објекти и др.