Сајтот Elite Singles ги објави своите податоци околу тоа колку чини еден типичен романтичен состанок во градовите низ САД, но и низ светот.
Како типичен романтичен состанок била дефинирана вечера за двајца (во ресторан од средна класа), шише вино, две карти за во кино и такси за 8km. долг пат, а кога била направена споредба на цените во 21 поголеми градови низ САД, се покажало дека просечна цена на еден ваков состанок изнесувала $117.
Според овие податоци, романсата е најскапа во Њујорк, каде сето ова чини во просек $144. Во Индијанаполис, пак, цената е околу $100.
Анализата на другите градови низ светот покажала дека светскиот просек е $92, а еве какви се цените во неколку светски градови:
1) Осло, Норвешка - $170
Ако сакате да отиде во кино и на вечера, тоа ќе ве чини околу $170 во Осло, каде вечера со 3 оброци во ресторан чини во просек $91 за двајца.
2) Лондон, Англија - $161
Лондон е втор по ред најскап град за романтични состаноци во светот, каде две карти за кино чинат во просек $33.
3) Њујорк, САД – $144
Типичен романтичен состанок во „големото јаболко“ ќе ве чини помалку доколку не пиете вино во ресторан, туку го купите од продавница за околу $15.
4) Стокхолм, Шведска - $123
Вечера со 3 оброци во ресторан од средна класа во Стокхолм чини околу $77 за двајца.
5) Токио, Јапонија - $122
Добрата вест е што во Токио типична вечера за двајца во ресторан чини само околу $44.
6) Амстердам, Холандија - $116
Цената на два билети за кино е $26 во Амстердам
7) Париз, Франција - $114
Париз е синоним за романса, а паровите тука треба да спремат околу $114 за еден романтичен состанок, каде просечна вечера ќе ги чини $63
8) Берлин, Германија - $101
Цената на романтичен состанок во Берлин е околу $101, а доколку се решите да не пиете во ресторани, едно шише вино со среден квалитет ќе ве чини нешто над $5.
9) Барселона, Шпанија – $85
Во Барселона како и во Сингапур и Сеул, цената за еден романтичен состанок е под $100, а и тука едно шише вино чини околу $5
10) Најроби, Кенија –$75
Вечера со 3 оброка во ресторан во Најроби ќе ве чини околу $29
11) Рио де Жанерио, Бразил – $70
Паровите во овој јужноамерикански град едно излегување ќе ги чини околу $70, а цената на такси превозот за 8km. е околу $5.
12) Москва, Русија – $61
Просечна цена на вино во продавница во Москва е $8
13) Мексико Сити, Мексико - $45
Мексико Сити е главниот град на Мексико и одлична локација за добра забава, особено имајќи ја в предвид цената на типичен романтичен состанок која изнесува $45 – со вечера за двајца која чини само околу $24
14) Мумбаи, Индија - $35
Вечера за двајца во Мумбаи ќе ве чини околу $17
15) Истанбул, Турција - $31
Истанбул е најевтиниот град за романтични состаноци во светот – вечера со 3 оброци во ресторан чини во просек $17.