Војската сè повеќе им олеснува на војниците да се дистанцираат себеси од последиците од војните. Кога се појавиле воените дронови, пилотите за прв пат можеле да седат во канцеларија во САД и да фрлаат бомби на други боишта.
Сега, еден пилот ќе може да го прави истото и тоа само со неговиот ум.
DARPA претставиле проект на кој работат уште од 2015 – технологија која на една личност и дава способност да пилотира неколку авиони и дронови истовремено и тоа со умот.
Во 2016-та доброволец опремен со мозок-компјутер интерфејс бил способен да пилотира летало во летечки симулатор додека други два авиони ги држел во формација – сето тоа само со неговите мисли.
Во 2017-та во друга симулација било возможно да се пилотира авион, но со хаптички повратни информации – ако авионот требало да се движи во одредена насока, невронскиот имплант креирал сензација на трнење во рацете на пилотот.
Бидејќи ваквата технологија користи електроди имплантирани во и на мозочните сензорни и моторни кортези, експериментирањето било лимитирано врз доброволци со одредени степени на парализа, односно оние кои веќе имале вградено мозочни електроди во нив, или веќе имале причина да се подложат на операција.
За да се обидат оваа технологија да ја направат попристапна и без да побарува хируршко имплантирање на сонди во мозокот, DARPA ја претставиле програмата N3 - NExt-Generation Nonsurgical Neurotechnology (N3) / следна генерација на нехируршка невротехнологија.
Нивниот план е да се направи уред со слични способности, кој повеќе ќе личи на EEG капа која пилотот ќе може да ја извади откако ќе ја заврши мисијата.