Една шолја пире од тиква содржи само 49 калории, како и 3 грама влакна, 1 грам протеин и 250% од дневната потреба од витаминот А. Еве какви сè здравствени придобивки нуди тиквата:
1) Помага за дигестијата
Поради влакната, тиквата нè држи сити и промовира здрава дигестија, а ја забавува апсорбцијата на јаглехидради (меѓу кои и природните шеќери), со што се избегнува нагло качување и намалување на нивото на шеќерот во крвта.
Околу 90% од тиквата е вода, што е плус во поглед на дигестијата.
2) Го регулира крвниот притисок
Тиквата содржи калиум и антиоксиданси, кои придонесуваат за подобрзо здравје на срцето.
Нејзините семки се полни со здрави маснотии, кои придонесуваат за намалување на крвниот притисок и превенција од негово зголемување.
3) Го редуцира ризикот од канцери
Поради тоа што е богата со полно витамини меѓи кои А, Ц и железо, тиквата е еден вид природен штит против канцерогените клетки. Таа го намалува ризикот од рак на простата, гради, и дебело црево, како и оној на устата и стомакот (за што влијаат растворливите влакна и антиоксидансите).
4) Придонесува во спречување и справување со дијабетесот
Тиквата има многу малку калории, правејќи ја идеална за оние со тип 2 дијабетес. Фенолните фитохемикалии во неа го контролираат нивото на шеќер во крвта, со тоа намалувајќи го ризикот од дијабетес.
5) Го подобрува имунитетот
Витаминот Ц со кој е богата тиквата е одличен за имунолошкиот систем, особено на студено време. Пептидите, пак, во семките имаат антимикробни ефекти, додека бета-каротенот кој во телото се конвертира во витаминот А ги активира клетките „убијци“ кои се борат против болести како инфекции на ушите, мочниот меур и бубрезите.
6) Го подобрува здравјето на очите
Kаротеноидите од тиквата се конвертираат во витамин А, кој е важен за здравјето на кожата и очите – особено лутеинот и зеаксантинот, кои се корисни во борбата против катаракта.
7) Ја подобрува функцијата на мускулите
Овој ефект се постигнува со калиумот, додека пак семките се богати со амино киселини (кои помагаат во градењето на мускулите) и магнезиум (кој ги релаксира мускулите)