Повеќето од луѓето сакаат да имаат мускулесто тело – покрај тоа што мускулите изгледаат убаво и ја зголемуваат моќта на нашето тело, тие се и одлични „амортизери“ на телото, бидејќи ги заштитуваат зглобовите и поврзувачките ткива, со тоа заштитувајќи го телото од удари и намалувајќи го ризикот од повреди и воспаленија во зглобовите и лигаментите.
Освен тоа, колку повеќе мускули имаме, толку подобро функционира метаболизмот. Дел од мускулната маса губиме со стареењето, но еве уште неколку причини за кои многумина не се свесни, а кои не сакајќи можат да ви го саботираат успехот постигнат со вежбањето:
1) Премногу тренинг (overtraining)
Кога вежбаме, мускулните влакна се кинат, а доколку секој ден вежбаме интензивно не им даваме време на мускулите да се опорават и обноват. Премногу интензитет може да довете до overtraining т.е „претренирање“, што пак може да доведе до атрофирање на мускулите, особено ако болката во нив не се намали по 2-3 дена.
2) Премногу кардио
Кардио вежбите може да се катаболични, предизвикувајќи телото да согорува премногу калории со што се намалува неговата способност за заздравување – особено по тежински тренинг. Тие исто така можат да предизвикаат мускулните влакна побавно да се превиткуваат, правејќи ги послаби и оневозможувајќи вежбање со поголеми тежини. Секако, кардио вежбите се добри, но се препорачува да не се прават само тие, туку најмалку 2-3 дена да се прави и тежински тренинг.
3) Неправилна исхрана
Доколку вежбате, протеинот мора да е задолжителен дел од исхраната. Целта е да се внесуваат половина до 1 грам протеин на секој половина килограм тежина, во зависност од интензитетот на вежбањето. Експертите препорачуваат да има 30 грама протеин во секој оброк, кои можат да се заменат и со суплемент. Не смеат да се игнорираат ни јаглехидратите, особено пред вежбањето бидејќи му даваат енергија на телото и по вежбањето кога го сопираат телото да го користи мускулното ткиво за гориво, регенерација и обновување. Внесот на недоволно калории, пак, може да предизвика телото да помисли дека гладувате и да почне да согорува мускули за енергија.
4) Недостаток на сон
Колку пократок сон, толку помалку мускули, велат експертите. Хормонално, сонот игра огромна улога, а доколку ендокриниот систем не функционира оптимално, можеме да изгубиме од мускулите. Нивното правилно опоравување исто така зависи од колку часа се поминати во спиење, а се препорачува и најмалку еден слободен ден кога нема да се вежба, особено доколку вежбате интензивно.
5) Игнорирање на знаците
Мускулите не почнуваат да се намалуваат и атрофираат одеднаш. Често пати тие ни даваат знаци кои ги игнорираме бидејќи се суптилни, но можат сериозно да влијаат на нивната состојба. Ако на пример можете да правите 1 или 2 повторувања помалку од вежба која сте ја правеле пред една недела, тоа значи дека не можете да создадете доволно сила што е знак дека мускулите ќе започнат постепено да атрофираат. Во таков случај, откога ќе истече месецот и ќе изгубите на мускулна маса, променете некои делови од планот за вежбање – исхраната, спиењето, одморот, нивоата на стрес и слично и откријте што е променето за да се вратите повторно на вистинската патека во поглед на вежбањето, која ќе овозможи правилни резултати.