Футурама

Последниот повик на Амелија Ерхарт го објаснува мистериозното исчезнување

На 2 јули 1937-ма, американскиот пилот Амелија Ерхарт се срушила со нејзиниот авион Lockheed Electra некаде над централниот Тихиот Океан во обидот да биде првата жена која ќе го облета светот. До ден денес голем дел од нејзината приказна е обвиткан во мистерија, а некои дури се надеваат и дека Ерхарт и нејзиниот навигатор Фред Нунан некако преживеале и живееле уште многу години.



Сега, истражувачите имаат пристап до нејзините последни радио повици, кои ја рушат теоријата дека преживеале.

За потребите на нова студија која сè уште не е рецензирана, направена од TIGHAR (International Group for Historic Aircraft Recovery), биле собрани сите познати извештаи од луѓе кои велат дека ги слушнале последните радио комуникации кои следеле деновите по исчезнувањето на Ерхарт. Од Торонто до Тексас, луѓето низ Северна Америка откривале спорадични радио повици од неа во период од 6 дена, од 2 до 7ми јули.

Во една од пораките таа велела

Според тајмингот и локацијата на 57-те радио сигнали, во студијата се тврди дека дуото преживеало откога нивниот авион се срушил на бреговите на тогаш ненаселеното острово Гарднер. Авионот бил опкружен со вода и неспособен да испраќа радио сигнали, бидејќи тие зависеле од батериите и моторот на авионот. Така, сигнали можеле да испраќаат само за време на осеката, што е причина за спорадичната природа на повиците.

Овој аргумент, пак, е сосема различен од официјалниот заклучок на морнарицата на САД кој вели дека Ерхарт и Нунан умреле многу бргу по рушењето на авионот во океанот. Во секој случај, се чини дека и двајцата не преживеале долго. До 8 јули, сигналите веќе ги немало, а како поддршка на оваа теорија се и коските откриени на островот Гарднер во 1940-та.

Извор:  0
Објавена на 10.08.2018 10:43:48