Астрономите детектирале уште еден мистериозен и моќен радио сигнал кој стигнал до Земјата од непознат извор од Вселената. Тој има исклучително ниска фреквенција од 580 MHz, што е за 200 MHz пониско од било кој друг радио сигнал откриен претходно
Ваквите сигнали се наречени fast radio bursts (FRB), односно „рафални радио сигнали“ и се едни од нај експлозивните и мистериозни вселенски настани кои можат да генерираат енергија колку 500 милиони Сонца за само неколку милисекунди, но сè уште не знаеме што ги предизвикува.
Утрото на 25-ти јули, со мрежа телескопи наречена CHIME во Британска Колумбија, Канада, бил детектиран рафален радио сигнал именуван FRB 180725A, според годината, месецот и денот кога тоа се случило и бил првиот од овој вид кој емитирал радио фреквенции пониски од 700 MHz.
Што научниците сметаат дека е извор на ваквите сигнали, кои најчесто доаѓаат од локации на милијарди светлосни години од нас?
Најскорешното истражување на FRB-а кои се повторуваат сугерира дека изворот е неутронска ѕвезда, но други хипотези вклучуваат црни дупки, пулсари со придружни ѕвезди, имплодирачки пулсари и магнетари.
Без разлика на нивниот извор, доколку се подобриме во нивното детектирање и разбирање на потеклото, овие радио сигнали би можеле да ни откријат тајни поврзани со потеклото на Универзумот.