Showtime најави нова хумористична серија на комичарот Саша Барон Коен. Познат по создавањето на цела збирка на култни сцени и забавни ликови, Коен се враќа на телевизиските екрани по пауза од една деценија како сценарист и режисер на серијата „Who is America?“.
Целата мината година работеше на оваа серија со седум епизоди која следи најразлични ликови од светот на политиката и културата, од озогласени до непознати, кои живеат на тлото на таа земја. Оваа информација ја соопшти Дејвид Невинс, претседател и директор на компанијата „Showtime Networks Inc.“
Првата епизода премиерно ќе биде достапна на HBO GO, од недела, 15. јули, а новите епизоди ќе бидат достапни секој понеделни. Премиерата на HBO 3 каналот е најавена за септември годинава.
„Саша е гениј за комедија. Неговата дрскост, храброст и инвентивност ќе ве шокираат.“ – изјави Невинс.
„Тој е водечки провокатор на денешницата, но не само поради моментите од типот ‘те зезнав’. Зад таа сложена слика постои искрена желба да се дојде до вистината за луѓето и политиката. Никој не е во состојба да направи таков хаос како што знае Саша Барон Коен и навистина ќе биде фасцинантно што ќе се случува во серијата „Who is America?“
Актерот, сценарист и комичар, двоен добитник на „BAFTA“ награда, добитник на „Златен глобус“ и номиниран за „Оскар“, влезе во светот на комедијата преку серијата „Али Џи Шоу“. Серијата, во која тој беше продуцент, сценарист и актер и која се емитуваше четири години беше номинирана за шест „Еми“ и две „Bafta“ награди.
Негов следен проект беше „Борат: Проучување на американската култура поради благосостојба на славниот народ на Казахстан“ (Borat: Cultural Learnings of America for Make Benefit Glorious Nation of Kazakhstan), долгометражен филм во кој главната ѕвезда е Борат Сагдиев, казахстански новинар и негово второ алтер его. За тој филм освојува „Златен глобус“ за најдобар актер во комедија или мјузикл, како и номинација за „Оскар“ за најдобро адаптирано сценарио.
Креатор на серијата „Who is America?“ е Саша Барон Коен, а покрај него извршни продуценти се и Ентони Хајнс, Тод Шулман, Ендру Њуман, Ден Мејзер и Адам Лојт.