Дури и ако дома сте јаделе здрав оброк, доколку излезете (особено со друштво) често пати се случува да „заглавите“ некаде опкружени со нездрави грицки или џанк фуд.
Еве неколку стратегии кои ќе ви помогнат да сте поздрави, повеќе да уживате во оброците и апетитот да ви е на нормално ниво, без чести нагони за прејадување.
1) Додавајте оцет и цимет во оброците за да го контролирате шеќерот во крвта
Наместо шеќер, во храната и пијалаците (од кафе до смутија) можете да додавате разни зачини како циметот кои го намалуваат гликемискиот индекс, што значи дека храната ја метаболизирате побавно, додека во салатите сосовите и печениот зеленчук можете слободно да додадете оцет.
2) Јадете и кога не сте гладни
Кога сме премногу гладни, се прејадуваме при што нивото на инсулин расте, па нагло се спушта што не прави уморни, а потоа и повторно гладни.
Наместо да се прегладнувате, јадете дури и кога не сте премногу гладни, на тој начин ќе јадете помалку и побавно.
3) Пијте вода, не течни калории
Покрај уморот и дехидрацијата предизвикува чувство кое лесно може да се помеша со гладот. Од друга страна, пак, течните калории во форма на џусеви и газирани сокови ги предизвикуваат инсулинските врвови.
Поради тоа, пијте исклучиво вода на која за вкус можете да и додадете лимон, јагоди, краставица и сл.
4) Јадете бавно
Кога ја голтаме храната, додека во мозокот се пренесе информацијата за ситост поминуваат помеѓу 10 и 30 минути, што е причината дека често јадеме повеќе храна отколку што ни е потребно. Затоа, секој залак џвакајте го 10 пати – ќе јадете побавно, но и количински помалку бидејќи точно ќе знаете кога сте сити.